SIUDAT DI MEXICO, AP.- Interpol a saka un òrdu di detenshon kontra Guillermo Padres, kende tabata gobernador na nort di estado di Sonora, na frontera ku Arizona, entre 2009 i 2015 i ku ta investigá pa kasonan di korupshon, segun informashon di outoridatnan.
Un funshonario federal, ku a pidi pa anonimato debí ku e no ta outorisá pa papia di e investigashon andando, a konfirmá ku e entidat forma pa 190 pais a publiká un òrdu pa lokalisashon i kaptura di Padres.
E derechista Partido Akshon Nashonal, kaminda e eks gobernador ta militá, a bai di akuerdo pa suspendé su derechonan partidista “komo medida provishonal miéntras tin investigashonnan andando pa e akusashonnan mas probabel di delito relashoná ku korupshon”. Segun e kadena Televisa a reportá, Interpol ta buska e eks mandatario pa delitonan di froude fiskal. Probablemente e eks gobernador lo biaha pa Belice, Amérika Sentral òf Suramérika. E funshonario federal, no a duna detaye di e kargonan ku Padres ta enfrentá.
