LEMBATA, INDONESIA, AFP.- Por lo ménos 113 persona a muri i vários mas tabata pèrdí djaluna pa motibu di inundashonnan i avalanchanan di lodo den Indonesia i Timor-Leste despues di siklon Seroja.
E inundashonnan provoká pa áwaseru fuerte a sembra káos den e zonanan situá entre isla Flores i Timor-Leste, hinkando míles di persona den sentronan di refugio.
E diluvio a kibra damnan i a inundá míles di kas.
Por lo ménos 86 persona a muri den Indonesia i 71 ta pèrdí ainda. den Timor-Leste tin 27 morto di kual mayoria ta den Dili, e kapital.
Mayoria kas, karetera i brùgnan tabata kubrí ku lodo den isla Flores, komplikando tarea di ekiponan di reskate pa yega zonanan mas afektá.
Union Europeo a ofresé yudansa na e pais chikitu i pober aki, konosí ofisialmente komo Timor-Leste. Presidente Joko Widodo di Indonesia a ekspresá su mas sentido pésame pa e pèrdidanan.