WASHINGTON, MERKA, AFP.- Washington posiblemente lo oumentá e yudansa di vakunanan kontra COVID-19 den estranhero i no kier haña “fabor a kambio di esaki”, segun indikashon di e hefe di diplomasia merikano Anthony Blinken.
Blinken a bisa ku e prioridat prinsipal di su pais ta pa lucha kontra COVID-19, pero ku pronto lo logra e meta di presidente Joe Biden kual ta pa vakuná 90% di e pueblo merikano.
“Nos ta eksplorando opshonnan pa kompartí mas ku otro paisnan den futuro. Nos ta kere ku nos ta den kondishon pa hasi muchu mas riba e tereno aki”, asina Blinken a bisa. Rekonosiendo e “desesperashon kresiente” rònt mundu, Blinken a indiká ku “mi por bisa ku nos ta hasiendo mas lihé posibel”. El a agregá ku lo no kambia e vakunanan pa ningun fabor polítiko.