FLORIDA, AP.- Un parke estatal na Florida ta kuminsá parse Planet òf the Apes; un kantidat di makaku Rhesus, un espesie no nativo a okupá un márgen di e riu preferí pa eskurshonista i praktikantenan di kayak.
Outoridatnan a sera dos zona di paseo di e parke Silber Springs debí na interakshonnan indeseá di e makakunan ku e bishitantenan. A sera e akseso na un plataforma panoramiko i un otro parti di e parke pasobra e makakunan a okupá esakinan.
Matt Mitchell direktor athunto di e parkenan estatal a bisa ku agentenan ta rekoriendo diariamente diferente zona pa komprobá si tin aktividat di e animalnan.
“E personal di parke por sera sierto zona si e makakunan aparesé”, asina el a bisa den un mensahe via email. “E personal tambe ta kontestando denunsiánan di públiko ora nan atvertí presensia di e makakunan”.
E investigadónan ta kalkulá ku algun 150 pa 200 makaku Rhesus tin den e parke i un kantidat deskonosí pafó di dje tambe.
E kontroladónan di parke ta atvertí e hendenan pa no duna e makakunan kuminda i nan ta oumentando e patruyanan den e lugánan kaminda probablemente nan presensia ta mas tantu.
E makakunan a keda introdusí den e zona aki na aña 1930 pa un operador turístiko yama Colonel Tppey. El a laga seis makaku bai riba un isla den riu Silber loke el a yama isla di Makakunan pa atraé turistanan.
