WASHINGTON, AP.- Donald Trump jr a aseptá e yudansa di loke a keda deskribí komo un esfuerso di gobièrnu Ruso ku informashonnan prehurisial pa Hillary Clinton, di akuerdo ku emailnan ku a Sali na kla ayera.
E interkambio di email pone riba Twitter pa e yu mas grandi di presidente Donald Trump ta revelá e plannan pa un enkuentro ku un abogado di gobièrnu Ruso komo parti di apoyo di Rusia i su gobièrnu pa Trump. Den un di e respuestanan na e publisista musikal ku a organisá e reunion, Trump jr a bisa ku e tin gana di sa mas.
Trump jr kende su partisipashon den kampaña di su tata tabata grandi, a bisa ku e sa di e emailnan huntu ku un komunikado kaminda e ta bisa di ta hasié pa e ta totalmente transparente.
Di akuerdo ku e emailnan interkambiá ku e publisista musikal Rob Goldstone, a bisa e hóben Trump ku e gobièrnu Ruso tin informashon ku por inkriminá Clinton i su trato ku Rusia.
Poko despues di e publikashon di e emailnan, presidente Trump a defendé su yu.
Mi yu ta un persona di gran kalidat i el a aploudí su transparensia”, asina Trump tata a bisa den un komunikado lesa na prensa pa e bosero presidensial Sarah Huckabee Sanders.
