BAGHDAD, IRAK, AFP.- E direktor aleman di un sentro kultural na Baghdad, sekuestrá na komienso di e siman aki a wòrdu liberá segun indikashon di ehérsito irakí sin duna mas detaye.
“Forsanan di seguridat a logra liberá e aktivista Hella Mewis” djaweps pa djabièrnè anochi, segun deklarashon di e bosero militar irakí, Yahya Rasool den un komunikado.
E no a duna detaye tokante e sirkunstansianan eksakto di e operashon, ni di esnan ku a ehekutá esaki.
Mewis a traha pa Baghdad desde 2013 i a tuma parti pa e manifestantenan kontra di e régimen. E protestanan a kuminsá den òktober 2019 na Irak. Diferente militante a disparsé durante e protestanan i Nashon Uní ta akusá e milisia di ta responsabel pa e desaparishonnan aki.
Un fuente di seguridat irakí a splika ku e operashon a wòrdu ehekutá pa e unidat di élite di servisio di inteligensia irakí, Falcon Security.
