WASHINGTON, AP.- E yu muhé mayor di presidente Donald Trump a defendé e echo ku el a usa un e-mail privá na momentu ku e tabata prepará pa asumí funshonnan manera asesor den e gobièrnu di su tata.
Den un entrevista publiká djárason, Ivanka Trump a bisa ku el a usa su e-mail priva na momentu ku e tabata preparando pa un trabou gubernamental, pero esaki no por wòrdu ku e kontroversia generá tokante e eks sekretaria di Estado i kandidato presidensial demókrata Hillary Clinton. Clinton tabata usa un server privá pa su e-mailnan di trabou.
Den un entrevista ku ABC News, e yu muhé di e presidente a bisa ku su mensahenan a wòrdu archivá i ku no tabatin ningun informashon konfidensial. El a sigurá ku e no a deshasí di e e-mailnan.
E asesor di Trump a usa su kuenta privá di e-mail pa realisá asuntunan ofisial, asina The Washington Post a reportá e luna aki. Tantu e republikano komo e demókratanan den Kongreso a indiká ku lo investigá e asuntu.
“Tur mi e-mailnan ta wardá. Mi no a eliminá ningun”, asina e yu di e presidente a bisa.
“No tin ningun restrikshon tokante uso di e-mail personal. Nos ta wòrdu instruí ku si nos haña un mensahe relashoná ku nos labornan ofisial via nos e-mail personal, nos mester ‘forward’ esaki pa e kuenta di gobièrnu pa e wòrdu archivá.
