MEMHIS, TENNESSEE, MERKA, AP.- Sinku adulto i kuater mucha a muri djaluna mardugá den un kandela. Esaki tabata esun mas grave registrá den vários dékada den un kas na Memphis. Un otro mucha ta bringando pa su bida den hospital. Asina outoridat a informá.
E bomberonan a risibí un yamada di emergensia 1:20 mardugá. Na yegada a haña masha tiki huma saliendo di e kas di palu. Asina direktor di bombero den e siudat, Gina Sweat a bisa den un konferensia di prensa.
Kuater adulto i tres mucha a wòrdu hañá morto den e kas, segun indikashon di Sweat. Dos menor mas a muri despues di wòrdu hiba pa Hospital Infantil Le Bonheur den kondishon ekstremadamente kritiko.
No a revelá identidat di esnan ku a fayesé.
E kandela a kuminsá den sala, pero ainda no a determiná e kousa eksakto di e suseso. Algun víktima tabatin señal di inhalashon di huma i algun otro a kima i fayesé.
