MADRID, SPAÑA, AFP.- E kantidat di kaso nobo konfirmá di COVID-19 a oumentá na Spaña, segun sifranan ofisial publiká pa ministerio di salú djabièrnè. Funshonarionan a reportá mas di 2.000 kaso diario den e último shete dianan.
Den e último shete dianan, Spaña a reportá 14.198 kaso.
E regionnan mas afektá ta Catalonia, ku mas di 5.000 kaso de shete dia i Aragon ku 2.884. E oumento ta konta pa Madrid tambe ku 2.074 kaso.
Apesar ku tin un oumento den kontaminashon di e vírus, outoridat a bisa ku no ta trata di un segundo ola, manera tabata e kaso den mart i aprel.
Alemania a bisa ku e zonanan di riesgo ta Aragon, Catalonia i Navarra, kual ta nifiká ku e biaheronan ku bini di e zonanan aki mester keda den karentena. Fransia a deskonsehá su pueblo di biaha pa Catalonia.
Te ainda Spaña a reportá mas di 288.000 kaso di COVID-19 desde inisio di e pandemia i 28.445 morto.
