BEIRUT, LIBANO, AFP.- Líbano a registrá 255 kaso di Corona vírus djaweps, despues di un eksploshon enorme kaminda míles a resultá herida i interná den hospitalnan sobrepoblá ku pashèntnan ku COVID-19. Esaki ta e sifra diario di mas haltu ku e pais ta registrá.
E minister di salú a reportá e sifra, indikando ku 4.604 ta infektá inkluyendo 70 morto despues ku a detektá e vírus pa promé biaha den febrüari.
E eksploshon masivo aki a laga por lo ménos 5.000 herido i mas di 300.000 persona desplasá. Mas o ménos 130 hende a muri den e eksploshon aki.
E hospitalnan di Líbano tabata kompletamente yen ku kasonan ku no ta COVID-19. Algun hospital mester a asta rechasá algun víktima dor ku no tabatin mas espasio pa duna yudansa.
E eksploshon a pone outoridat kanselá e lockdown vigente te ku 10 di ougùstùs próksimo.
