JARTUM, SUDAN, AFP.- Por lo ménos 56 sivil a muri entre nan 3 empleado di ONU den e último 24 ora na Sudan, kaminda ehérsito i un grupo para militar poderoso a enfrentá otro ayera riba e di dos dia siguí.
E violensia a kuminsá djasabra mei mei di un lucha pa poder entre dos general ku a protagonisá e gòlpi di estado na 2021. Djadumingu, e ehérsito regular i e paramilitarnan di forsa di Apoyo Rapido FAR a enfrentá otro ku armanan pisa den suburbionan nort di e kapital, Jartum i na sùit di e siudat, segun testigunan.
Tur dos banda a anunsiá apertura di koredornan humanitario i durante 3 ora pa asina por a evakuá e heridonan. E abitantenan di Jartum ku a keda sin awa i koriente ta biba for di 24 ora sera den nan kas, miéntras ku e kayanan ta tumando lugá kombatenan ku arma pisá.
Un ret di dòkternan pro demokrasia a papia di 56 sivil i kantidat di kombatiente ku a muri i mas di 600 hende heridá. E programa mundial di alimento a anunsiá suspenshon di nan operashonnan den e pais despues ku 3 di nan empleadonan a muri djasabra. Sekretario general di ONU Antonio Guteres a reklamá na esnan responsabel pa nan keda hiba dilanti di hustisia rápidamente.
