DUBAI, AFP.- Boeing a registrá su promé pedido di mas importante den e Salin Aeronóutiko di Dubai pa suministrá 72 avion 737 Max pa Akasa Air, un kompania di aviashon indio ku a keda resientemente fundá, asina e fabrikante aeronóutiko merikano a anunsiá.
E pedido, balorá na kasi 9 mil mion di dòler na un preis di katalòg, lo permití Akasa Air konstruí su flota i kuminsá operá rápidamente, asina Boeing a bisa den un komunikado.
“Nos ta enkantá di asosiá ku Boeing pa nos promé pedido di avion i nos ta gradesí nan pa e konfiansa den e plan di negoshi i e ekipo di gerensia di Akasa Air”, asina presidente Vinay Dube a sita den e komunikado.
India ta un di e merkadonan di transporte aéreo ku ta kresiendo hopi lihé den mundu, ku un potensial igualabel. Ya nan ta mirando un rekuperashon fuerte i nan ta mira dékadanan di kresementu nan dilanti, asina el a sigui bisa.
Boeing a kontinuá produsiendo avionnan tipo Max na momentu ku esakinan a keda na tera despues di dos aksidente mortal. En total nan a sufri mas di 600 kanselashon di pedido di e avionnan aki aña pasá.
