LA PAZ, AP.- E dos kámaranan di Kongreso a aprobá elekshon nobo, sin partisipashon di eks mandatario Evo Morales, despues di un akuerdo pa establesé pas despues di un luna di káos sosial riba kayanan di Bolivia. E protestanan a kuminsá despues di e votamentu riba 20 òktober, kaminda Morales a gana ku práktikanan froudulento.
E lei no ta establesé un fecha pa elekshon debí ku e legisladornan boliviano mester skohe miembro nobo di Tribunal Supremo Elektoral i e outoridat nobo mester skohe un fecha pa e pueblo vota.
Aparte di presidente i visepresidente, e pueblo lo skohe su senadornan i diputadonan. Añez a risibí movementunan sosial na fabor di Morales pa realisá un diálogo.
E protestanan a kuminsá despues ku Morales su opositornan a denunsiá froude den elekshon, kaminda Morales lo a gana un di kuater mandato. Morales a deklará ganadó, pero el a renunsiá i buska asilo na México. E sostenedónan di Morales a kuminsá manifestá blokiando algun kaminda.
