WASHINGTON, AP.- Un kontratista di e agensia di seguridat Nashonal a wòrdu detené bou di kargonan di saka informashon altamente sekreto di forma ilegal i di warda e material aki den su kas i su outo, segun anunsio di fiskalnan federal djárason.
Harold Thomas Martin III, di 51 aña, residente di Glen Burnie, Maryland, a wòrdu detené pa FBI den ougùstùs despues ku outoridatnan a bisa ku el a atmití di a kue informashon konfidensial di gobièrnu. Un abogado defensor a bisa ku Martin no tabatin intenshon di traishoná su pais.
Entre e dokumentonan sekreto ku martin tabatin, segun Departamento di Hustisia, tabatin seis ku a kontené informashon di inteligensia hopi delikado, kual ta nifiká ku esaki a wòrdu produsí mediante fuentenan konfidensial òf métodonan ku ta krusial pa seguridat nashonal.
