WASHINGTON, AP.- Korte Supremo di Merka a rechasá e solisitut di gobièrnu di presidente Donald Trump pa intervení den e kontroversia riba protekshon pa sentenar di míles di hóben inmigrante ku ta biba den e pais di forma ilegal.
E huesnan a ninga di aseptá un apelashon di gobièrnu bou di òrdu di un korte menor ku ta rekerí pa atministrashon sigui aseptá e solisitutnan di renovashon pa DACA.
Den un komunikado kòrtiku, e huesnan a indiká ku e “tribunal di apelashon lo prosedé sin tardansa pa disidí riba e kaso aki”.
Un hues di New York a pronunsiá na fabor di e inmigrantenan ku ta demandá e final di DACA i ta spera ku su kaso por prosedé pa un tribunal federal di apelashon di New York.
Presidente Trump a pone e fecha límite pa e programa DACA pa 5 di mart. E desishon di korte a señalá ku renovashonnan mester wòrdu aseptá di forma indefiní. DACA a proporshoná protekshon na e proseso di deportashon i pèrmit di trabou pa kasi 800.000 hóben inmigrante.
Resientemente, Senado no a logra aprobá un inisiativa di inmigrashon.
