WASHINGTON, AP.- Korte Supremo di Merka a rechasá un apelashon di gruponan ambientalista ku a purba blòkia e konstrukshon di e muraya plania pa presidente Donald Trump na frontera ku México. Aktualmente tin otro akshonnan legal kontra e konstrukshon na frontera.
Huesnan a disidí ku lo laga e desishon di un hues federal na San Diego vigente, kual a rechasá e argumentonan ku e gobièrnu di Trump a ignorá leinan ku ta rekerí revishonnan ambiental i di otro tipo promé ku inisiá e konstrukshon.
E hues den e kousa di San Diego tabata Gonzalo Curiel. Durante su kampaña presidensial, Trump a kritiká Curiel pa su maneho di demanda pa froude kontra Universidat Trump, kual no ta eksistí mas. Trump a proponé e muraya i a bisa ku e herensia mehikano di e hues, nase na Indiana, ta nifiká ku su demanda kontra Trump no ta hustu.
