Ozhaino Albies (Atlanta Braves) por mira bek riba 2022 komo unu di mala suerte unda dos leshon a pone ku e segunda base yu di Kòrsou a pèrdè un gran parti di e temporada. Promé un fraktura na su pia i despues un fraktura na su dede tabata e kulpabel nan mayor. No tin duda ku Ozzie lo usa e ‘off-season’ aki pa rekuperá totalmente di tur su leshonnan i traha duru pa bin bek den 2023 mas duru ku nunka
Sifranan final ku Braves:
G: 64; AB: 247; R: 36; H: 61; 2B: 16; 3B: 0; HR: 8; RBI: 35; BB: 16; SO: 47; SB: 3; AVG: .247
Jonathan Schoop (Detroit Tigers) den su 10 aña nan den Liga Grandi nunka e no tabatin un temporada ofensivo asina malu. Di otro banda Schoop tabatin un di su mihó temporada nan defensivo te ku e ta un finalista pa e prestigioso premio di wante di oro. A lo ménos e ta drenta off season ku un poko mas trankilidat ya ku e tin un aña mas riba su kontrakt di dos aña ku Detroit Tigers. No tin duda ku 2023 ta bira krusial pa futuro di su karera den Liga Grandi. Ku su 10 añanan di servisio ya e tin su penshun garantia.
Sifranan final ku Tigers:
G: 131; AB: 481; R: 48; H: 97; 2B: 23; 3B: 1; HR: 11; RBI: 38; BB: 19; SO: 107; SB: 5; AVG: .202
Kenley Jansen (Atlanta Braves) a finalisá temporada komo lider den wega salba den Liga Nashonal ku 41 i atrobe ta drenta ‘off-season’ komo agente liber. Ya Braves mes a indiká ku nan lo ke Kenley bek pero aya banda tin rumor ku Los Angeles Dodgers lo ke trese e ‘closer’ yu di Kòrsou bek den nan organisashon. Kenley un biaha mas tin e luho pa bai skohe kua ekipo e ta firma kuné pa 2023 pasombra un oferta nobo e ta bai risibí sin duda. Den su promé temporada ku e organisashon di Atlanta Braves, Kenley no a desepshoná i sigur a yuda pa e ekipo yega ‘post-temporada’
Sifranan final ku Braves:
G:65; W: 5; L: 2; SV 41; ERA: 3.38; SVO: 48; IP: 64; H: 45; ER: 24; HR: 8; BB: 22; K: 85; AVG: .192
Jurickson Profar (San Diego Padres) tin ku bai disidí pronto si e ta ehersé su opshon den su kontrakt i keda ku e ekipo di San Diego Padres. Si Profar opta pa keda ku Padres e lo drenta su último aña di e kontrakt di tres aña. Pa loke ta e temporada tras di lomba Profar por mira bek riba unu eksitoso pero ku lamentablemente a kaba den seri final di Liga Nashonal. Lo tabata un chèri riba e bolo pa yega su promé Serie Mundial. Profar na mayoria di okashon tabata promé bate di su ekipo i hungando den outfield tabatin un defensa ku a sobresalí i asta sensashonal na vários okashon.
Sifranan final ku Padres:
G: 152; AB: 575; R: 82; H: 140; 2B: 36; 3B: 2; HR:15; RBI: 58; BB: 73; SO: 103; SB: 1; AVG: .243
Didi Gregorius (Philadelphia Phillies) un temporada difísil i awor a bira aun mas difísil mirando ku su eks ekipo ku el a militá den dje e temporada aki a yega te final awor den Serie Mundial. E sorpresa di Didi su libertat a bin na komienso di ougùstùs i despues di esaki a disidí di no firma ku niun ekipo tumando sobra temporada liber i pensa kiko lo bira e próksimo paso den su karera na Merka. Didi no tabatin un bon temporada i sigur un bou di su nivel. Gregorius, 32 aña ta for di 2012 aktivo den MLB. Na sèptèmber último e ekipo di Cangrejeros de Santurce a anunsiá ku nan a yega na un akuerdo ku e pelotero YDK pa asina e por ta den akshon ku e ekipo den e Liga de Béisbol Profesional Roberto Clemente (Liga invernal na Puerto Rico). Remarkabel ta ku si Phillies bira kampion Mundial, Didi tambe lo haña su renchi di kampion
Sifranan final ku Phillies:
G: 63; AB: 214; R: 17; H: 45; 2B: 9; 3B: 4; HR:1; RBI: 19; BB: 13; SO: 36; SB: 1; AVG: .210
Andrelton Simmons (Chicago Cubs/Marchena Braves) e temporada aki a kumpli 10 aña di servisio den Liga Grandi. For di prinsipio di temporada Simmons a leshoná i esaki a persiguí e shortstop yu di Kòrsou i djei no a kue su forma mas. Na ougùstùs e organisashon di Chicago Cubs a disidí pa kòrta nan laso ku e pelotero i asina Simmons en prinsipio a bira un agente liber. El a opta pa sinta sobra di temporada afó pa asina sosegá e leshon na su skouder. Na sèptèmber el a opta tòg pa hunga ku e ekipo lokal Marchena Braves den beisbòl Doble A. Simmons su sifranan tabata hopi limitá den 2022 mirando ku e no a mira muchu akshon. Kumpliendo 10 aña di servisio ta importante ya ku asina su penshun kompleto di Liga Grandi ta sigurá.
Sifranan final ku Cubs:
G: 35; AB: 75; R: 8; H: 13; 2B: 1; 3B: 0; HR:0; RBI: 7; BB: 7; SO: 13; SB: 4; AVG: .173
Xander Bogaerts (Boston Red Sox) temporada a finalisá
Chadwick Tromp (Atlanta Braves) temporada a finalisá
