MIAMI, AP.- Princess Cruises, kual tabatin un di su barkunan den karentena dilanti kosta di Hapon luna pasa a anunsiá djaweps ku e empresa a suspendé su operashonnan global te komienso di mei debí na e pandemia di coronavírus.
E liña di krusero, kual ta parti di Carnival Corp, a bisa ku 18 krusero lo anulá tur biahe pa sali entre 12 di mart i 10 di mei.
Outoridat hapones a pone e krusero Diamond Princess den karentena dilanti di haf di Yokohama durante dos siman despues ku 10 pasahero a wòrdu diagnostiká ku e vírus komo konsekuensia di COVID-19.
E operador di krusero a bisa ku su barkunan ku ta meimei di un biahe lo terminá esakinan dentro di e próksimo sinku dianan. Mayoria barku a wòrdu afektá pa e pandemia i rechasá na vários haf i pais. Princess Curises ta atendé mas di 50.000 pasahero tur dia.
