SEUL, SURKOREA, AFP.- E lider norkoreano, Kim Jong Un a bisa ku e proposishon di diálogo di Merka ta un “fachada pa tapa su desepshon i aktonan hostil”, segun indikashon di prensa ayera.
Kontaktonan entre ámbos pais, establesé bou di gobernashon di Donald Trump a wòrdu interumpí na aña 2019 despues ku e segundo kumbre entre e lider republikano i e lider norkoreano a frakasá.
Desde ku Biden a bira presidente, Kas Blanku a ofresé e régimen pa organisá un enkuentro na kualke sitio, kualke momentu i sin ningun kondishon mara na esaki.
Ku yegada di Biden “e menasa militar di Merka i polítika hostil kontra nos no a kambia, esaki a asta bira mas maligno”, asina Kim a bisa durante un diskurso den Asamblea Supremo di Pueblo, e parlamento di e pais.
