MEXICO CITY, MEXICO, AFP.- Alrededor di 70 migrante haitiano a keda repatriá for di Mexico djárason, riba e promé buelo di repatriashon segun indikashon di outoridat. Esaki ta parti di un akuerdo pa resolvé e krísis humanitario.
E haitianonan, inkluyendo 13 mucha a keda repatriá pa Port-Au-Prince for di siudat Villahermosa, segun indikashon di Instituto Mehikano di Migrashon Nashonal den un komunikado.
E repatriashon ta parti di un akuerdo entre e dos paisnan “pa kuminsá asistí boluntariamente ku repatriashon di migrantenan” dor di Mexico.
Míles di migrante indokumentá ku ta bibando den Suramérika a yega Mexico den simannan resien, ku intenshon di drenta Merka. Despues ku a kuminsá rechasá e migrantenan na frontera di Merka, mayoria a buska asilo den Mexico en bes di regresá Haiti.
E komishon di refugiado mehikano a prosesá petishonnan di asilo di alrededor di 12.000 haitiano, segun minister di Eksterior Marcelo Ebrard djamars.
Pero mayoria haitiano ku ta bin na remarke pa haña status di migrante dor ku nan a haña asilo den otro paisnan kaba.
