MELEKHOVO, RUSIA.- Ayera Rusia a atendé ku e kaso di lider di oposishon ku ta enkarselá, Alexei Navalny i a agregá 19 aña mas di prizòn a base di akusashonnan di ekstremismo. Esei pa motibu ku el a deklará ku Kremlin ta deprivá hende komun di e derechi di resistí. E sentensia pisá aki kontra Navalny, kende a mobilisá un protesta grandi kontra Presidente Vladimir Putin, ta bini meimei di un guera ku Rusia a start kontra Ukrania.
Den un deklarashon ku el a post riba Facebook, Navalny kende a keda sentensiá na 19 aña den korte di un régimen spesial penal, a urgi Rusonan pa no entregá den e lucha aki. “Nan ke hinka spantu den bosnan, ami no, i deprivá bo dje derechi di resistí”, asina el a bisa. “Bo ta ser fòrsá pa entregá bo Rusia sin duna bataya kontra un gèng di traidor, ladron i korupto ku a yega na poder. No pèrdè e boluntat pa resistí”.
Kolonianan penal di régimen spesial ta prizònnan ku e kondishonnan di mas estrikto reservá na Rusia pa e kriminalnan di mas pió inkluyendo terorista i asesinonan serial.
