I S TA N BUL, A P. – Lindsay Lohan a bishitá refugiadonan sirio den un hospital di Istanbul i tambe kas di un di e famianan refugiado di Alepo, segun e agensia di notisia estatal di Turkia.
E agensia Anadolu a reportá ayera ku e aktris merikano di 30 aña tabata kompañá pa e vise minister turko di hubentut i deporte Abdurrahim Boynukalin.
Boynukalin a splika ku no a bisa prensa delantá di e bishita di Lohan pa evitá di krea un espektákulo i no a spesifiká ki ora esaki a sosodé.
“Loke ta importante ta ku e aktris di Hollywood ta tuma e asuntu aki ku seriedat i bai kuné esenario mundial”, asina el a bisa.
Boynukalin a bisa ku e aktris di pelíkulanan manera Mean Girls i Freaky Friday a mustra konmové pa e hospital, ku ta empleá solamente dòkternan sirio i ta atendé refugiadonan i el a ofresé su mes komo boluntario. Lohan tambe a entregá regalo na e famia di e refugiadonan.
