LOS ANGELES, MERKA, AFP- Los Angeles a anunsiá djaluna ku e siudat lo no habri ningun skol den ougùstùs pa e aña eskolar nobo. Na lugá di esaki lo mantené tur lès virtual segun kasonan di Corona vírus ta oumentá den e region.
Funshonarionan a tuma e desishon aki apesar ku e gobièrnu di presidente Donald Trump a pone preshon pa habri tur skol apesar di e rèkòrt nobo di infekshon den vários parti di e pais, inkluyendo California.
Outoridat a indiká ku lo ofresé mas rekurso na profesornan, alumno i mayornan pa train den e sistema virtual.
Los Angeles tin mas di 130.000 kaso positivo di Corona vírus, kual ta 40% di Estado di California. E siudat a registrá 3.322 kaso djadumingu.
