PARIS, FRANSIA, AFP.- E presidente franses, Emmanuel Macron a aseptá un invitashon di Vladimir Putin pa bishitá Rusia, kisas promé ku fin di aña, segun indikashon di e presidente franses despues di un konferensia di video entre ámbos mandatario. E presidente no a duna fecha pa esaki.
E bishita “probablemente” lo tuma lugá “dentro di e próksimo lunanan” promé “ku fin di aña”, pero mester tene kuenta ku e evolushon di e krísis di COVID-19, asina el a agregá.
E presidente franses a agregá ku e biahe lo no ta unu konmemorativo kaminda Rusia ta selebrá e di 75 aniversario ku a derotá e nazinan.
Despues ku el a wòrdu reeligí na aña 2017, Emmanuel Macron a risibí Macron den e kastel di Versailles serka di Paris. Macron a bishitá Rusia dos biaha na aña 2018.
Putin a bishitá Paris riba 30 di sèptèmber 2019 pa seremonia di e morto di eks presidente Jacques Chirac i despues riba 10 di desèmber pa un kumbre ku Ukrania, Alemania i Fransia pa dialogá riba e proseso di pas na Ukrania.
