PARIS, FRANSIA, AFP.- E presidente franses Emmanuel Macron lo bishita Líbano awe. E ta e promé mandatario di eksterior ku ta bishita Beirut despues diun eksploshonn a un puesto den e kapital. Fransia kier proveé yudansa urgente na su eks kolonia.
E eksploshon di djamars a laga mas di 100 persona morto, desplasá míles i a destruí barionan kompleto. Outoridat a bisa ku tabatin ‘ammoniumnitraat’ warda den e depósito i ku esaki no tabata protehá.
Macron a skibi riba Twitter ku e lo bishita Beirut pa hiba un mensahe di fraternidat i solidaridat di e fransesnan. Ademas, lo papia tokante e situashon ku outoridat polítiko lokal. Macron lo reuní ku ámbos e presidente Michel Aoun i e promé minister Hassan Diab.
E gobernador di Beirut, Marwan Abouda a bisa ku e kostonan di e daño di e eksploshon ta varia entre 3 miar i 5 miar. Fransia a manda 3 avion karga ku ekiponan médiko i di reskate pa Beirut.