CARACAS, AP.- Presidente venezolano Nicolas Maduro a defendé e resultadonan di e elekshonnan di gobernadónan resientemente na Venezuela i a rechasá denunsia di froude di oposishon.
Dos dia despues di e elekshonnan den kual outoridatnan elektoral a imponé e ofisialismo di 17 di e 23 puestonan pa gobernadó, apesar di ku sondeonan independiente a duna oposishon komo faborito, e mandatario venezolano a kalifiká e elekshonnan komo esnan mas liber den historia di su pais.
Sin embargo i despues di reklamonan di froude di oposishon, Maduro tambe a anunsiá ku e ta ordená pa publiká riba Internet di Partido Sosialista Uni di Venezuela tur e aktanan di votashon pa kualke persona por verifiká e resultado.
Djaluna anochi, despues di denunsiá iregularidatnan den elekshonnan, koalishon opositor a deskartá pa reanudá e diálogonan ku gobièrnu i a sera e kaminda pa un salida negoshá pa e krísis polítiko i ekonómiko kual e nashonal ta pasando aden.
Maduro di su parti a bisa di ta habri pa un diálogo. “Mi ta kla pa dialogá ku oposishon; aki na Repúblika Dominikana den sekreto, den públiko òf kualke kaminda”, asina el a bisa.
E delegadonan di gobièrnu i oposishon a kuminsá luna pasa ku reunionnan eksploratorio na Repúblika Dominikana ku apoyo di e komunidat internashonal, ku ta previsto pa reaktivá despues di elekshonnan.
