CARACAS (AFP).- E presidente venezolano Nicolás Maduro ayera a formalisá su kandidatura pa re-elekshon dilanti di outoridat elektoral. Señalá pa sirbi chavismo i pa krea un situashon ku ta stroba e postulashon dje koalishon di oposishon ku tin na kabes Maria Corina Machado.
E elekshonnan ta konvoká pa 28 di yüli i Maduro ta aspirá un di tres periodo ku por lag’é 18 aña na poder.
E mandatario a yega Consejo Nacional Electoral den un karavana kòrá, kompañá pa míles di militante, konvoká pa Partido Socialista de Venezuela.
“M’a keda konmoví pa tantu generosidat i rekonosementu di parti di e pueblo humilde aki ku hòmbernan di barionan di Caracas, obreronan humilde”, segun Maduro, di 61 aña, ku tabatin huntu kuné ilustrashon ku karanan di Simon Bolívar i tambe di Hugo Chavez.
‘Awe m’a bin no solamente pa inskribí mi mes, sino pa skirbi un soño di nos patria”, el a bisa. “M’a bin pa invitá bosnan pa sigui soña i sigui transformá nos realidat pa progreso”.
Oposishon no por a inskribí
Miéntras tantu, pa ayera mei anochi e periodo di postulashon mester a sera. Te ku den oranan trempan di atardi ningun kandidato di oposishon por a inskribí.
Mester a hasi e inskripshon via di un wèpsait, pero ningun dje dos partidonan di oposishon, esta Plataforma Unitaria Democrática i Un Nuevo Tiempo, no por a drenta den e sistema pa inskribí Corina Yoris, nominá pa Machado despues ku via korte a ekskluí su persona di tur trabou públiko.
“Nos a purba di tur manera pa introdusí e datonan” i “e sistema ta kompletamente será”, segun Yoris a denunsiá den konferensia di prensa ayera mainta.
