MONTEVIDEO, URUGUAY, AFP.- Mas di 20.000 kaso di COVID-19 a wòrdu registrá den Latinoamérika i Karibe djárason, segun informashon di outoridat di salú nashonal di Organisashon Mundial di Salú. A registrá 537 morto i 20.081 kaso den oranan di atardi.
Latinoamérika su promé kaso a wòrdu registrá na Brasil riba 26 di Febrüari. E pais, ku un pueblo di 210 mion ta esun mas afektá ku 5,717 kaso inkluyendo 201 morto.
Ekuador ta e di dos pais mas afektá ku 2.748 infekshon i 93 morto, sigui pa Repúblika Dominikana ku 1.284 kaso di infekshon i 57 morto.
Mayoria pais a tuma medidanan mandatario di kontenshon ku algun ‘lockdown’ estrikto na Argentina, Colombia, Perú, El Salvador i Panama. Mayoria frontera ta sera den kasi e region kompleto.
