RABAT, MAROKO, AFP.- Kuarentikuater migrante a hoga despues ku nan boto a noufragá djadumingu dilanti kostanan di Sahara Oksidental, na sùit di Maroko, segun informashon di e Organisashon no gubernamental (ONG) spañó, Caminando Fronteras.
Outoridatnan marokano no por a konfirmá e hundimentu mesora.
Segun Helena Maleno, fundadó di Caminando Fronteras, e 44 migrantenan a muri despues ku nan boto a senk dilanti di Cabo Bojador, si Sahara Oksidental.
Diesdos migrante a sobrebibí e noufragio i a keda detené, segun e mesun fuente.
Ounke no a spesifiká destino di e migrantenan, barkunan ku sali di e zona aki normalmente ta dirigí pa islanan Canaria.
Situá den e parti noroksidental di Afrika, Maroko ta un pais di tráfiko pa mayoria migrante ku purba yega Europa desde nan kostanan atlántiko òf mediteráneo.
Den 202021, 4.404 migrante a muri òf disparsé durante nan travesia riba laman rumbo pa Spaña. Esaki ta e konteo di mas pió desde 2015, segun Caminando Fronteras. Segun sifranan di Ministerio di Interior di Spaña, mas di 40.000 migrante, den su mayoria di Maroko, a yega Spaña den 2021.
