LONDON, AP.- Promé minister britániko Theresa May a rechasá e preshon di legisladornan di Partido Konservador ku a eksihí pa e pone fecha na su renunsia. Aparte di esaki el a haña algun siman mas pa purba superá e impase tokante Brexit.
Sinembargo, e gobernante a bai di akuerdo pa presentá un fecha di retiro otro luna, kual ta generá perspektiva pa un hefe nobo di gobièrnu pa Gran Bretaña promé ku e pais sali di Union Europeo, plania pa sosodé riba 31 di òktober.
E miembronan ehekutivo di un komishon poderoso ku ta supervisá e kontiendanan a ekspresá e furia kresiente dor di su inkapasidat di finalisá Brexit.
E miembronan di Komité 1922 a menasá di investigá su maneho si e no renunsiá.
E ofisina di e promé minister a bisa ku Brady a papia ku May i ku e ta enfoká “pa sigurá nos salida di UE” i haña respaldo pa su akuerdo.
E legisladornan na fabor di Brexit ta furioso pasó ainda e pais ta den e bloke, kasi tres aña despues ku e votadónan a respaldá Brexit den un referèndem. Mayoria ta kulpa May pa e stankamentu i kier remplas’é ku e eks sekretario di Eksterior, Boris Johnson.
