WASHINGTON, AP.- E gobièrnu di Donald Trump a renobá su yamada pa Organisashon di Estadonan di Amérika pa suspendé Venezuela i pa otro miembronan oumentá e preshon riba e gobièrnu di e pais suramerikano pa restourá e òrdu konstitushonal.
E sekretario di Estado, Mike Pompeo a bisa na OEA ku e gobièrnu di presidente Nicolás Maduro ta den e proseso di un “desmantelashon di gran eskala” di demokrasia. E visepresidente merikano Mike Pence a pidi suspenshon di Venezuela.
Pompeo a bolbe kalifiká e elekshonnan di luna pasá komo “falsu”, kaminda Maduro a wòrdu reeligí, i a bisa ku e gobièrnu ya a usa “tur rekurso i opshon pa e diálogo”.
E kansier venezolano a rospondé akusando Merka di interferensia ilegal den asuntunan interno di e pais i di violá e karta di OEA dor di pone sanshonnan.
