HOUSTON, AP.- Gobièrnu di presidente Donald Trump kier klousura e alternativa ménos restriktivo, kual ta detenshon di solisitantenan di asilo ku ta drenta di forma ilegal den e pais, segun The Associated Press. Defensornan di inmigrante ta konsiderá e medida un insulto pa migrantenan ku ta hui di violensia i pobresa. Kas Blanku ta preferá deportá i dividí famianan ku asimilá e refugiadonan.
“Esaki ta un intento evidente pa kastigá mayornan ku ta purba salba bida di nan yunan mediante e sistema di protekshon di Merka”, segun Michelle Brane, di e organisashon gubernamental di Komishon di Muhénan Refugia. “Ta apsurdo ku nan kier sera un programa ku tabatin un éksito inkreibel”.
Gran mayoria di solisitantenan di asilo a wòrdu inkluí den un programa di “supervishon intensivo” miéntras nan ta warda oudiensia hudisial ku ta disidí si nan por keda den e pais òf no.
E programa lo yega na su fin dia 20 di yüni, segun un karta firmá pa Ann M. Schlarb, direktor di GEO Group Inc.
e Gobièrnu di Donald Trump tin otro prioridatnan den su proyekto di presupuesto 2018. Trump su Gobièrnu kier un oumento di 1.600 mion dòler pa amplia instalashonnan di detenshon i deportashon.
