TORONTO, AP.- Tur prueba ta indiká ku ta “sumamente probabel” ku un misil antiaéreo iraní a kousa kaida di un avion komersial di Ukrania serka di Tehran djamars anochi, segun informashon di funshonarionan di Merka i Canada djaweps. Nan ta sigurá ku posiblemente e eror tabata un eror meimei di vários atake intenshonal i tenshon den e region kompleto.
E insidente a sosodé apénas algun ora despues ku Iran a lansa un misil kontra basenan militar irakí ku ta akohé trupanan merikano komo parti di un konfrontashon ku Washington debí na e atake ku un drone merikano ku a mata e general Soleimani di Iran.
Kuater funshonario merikano, kende a papia ku kondishon pa keda anónimo a señalá ku nan no sa presis ta kiko Iran su intenshon ta i ku kisas e avion a wòrdu konfundí ku un “menasa”.
E promé minister di Canada, Justun Trudeau, kende su pais a pèrdè por lo ménos 63 siudadano den e insidente a bisa djaweps den un konferensia di prensa desde Toronto ku “tin su propio fuentenan di inteligensia”. E prueba ta indiká ku e avion a kai komo kousa di un misil ku Iran a lansa.
Presidente Donald Trump ya a spekulá ku Iran ta responsabel pa e avion su kaida, pero e no a kulpa e iranínan direktamente. El a deskartá e afirmashon inisial di Iran ku a trata di un fayo mekániko.
