BROWNSVILLE, MERKA, AFP.- E gobièrnu di Joe Biden lo limitá akseso na asilo na frontera di Merka ku Mexico na momentu ku kita un lei di salubridat ku ta permití e gobièrnu pa saka tur migrante ku purba drenta e pais.
Título 42 ta ekspirá awe. Esaki a keda adoptá durante e pandemia ku a hasié kasi imposibel pa pidi asilo. Pero e atministrashon di e presidente demókrata a intervení pa garantisá un migrashon na òrdu mirando ku e kantidat di migrantenan lo subi.
Esnan ku no usa rutanan legal pa drenta Merka no ta bini na remarke pa haña asilo, segun indikashon di e sekretario di Seguridat Nashonal, Alejandro Mayorkas. E regla nobo lo drenta na vigor despues ku kita Título 42.
