MEXICO CITY, MEXICO, AFP.- Fiskalnan mehikano a bisa djabièrnè ku a arestá e migrante akusá di a kuminsá e kandela ku a mata 39 persona na un sentro di detenshon di inmigrashon na frontera ku Merka.
Tres funshonario di inmigrashon i bewaker privá tambe a keda detené komo parti di un investigashon di asesinato pa e kandela ku a kuminsá djaluna anochi.
Outoridatnan a akusá esnan enkargá ku e sentro na Siudat Juarez pa no hasi nada pa evakuá tur detenido.
Tabatin un òrdu di detenshon kontra un otro bewaker relashoná ku e tragedia, asina e fiskal spesial di derecho humano Sara Irene Herrerias a bisa.
E no a identifiká e migrante akusá ku kuminsá e kandela den un sèl kaminda 67 persona mas ta detené, aparentemente den un protesta kontra deportashonnan.
Segun outoridatnan e mortonan tabata 18 guatemalteko, shete salvadoreño, shete venezolano, seis hondureño i un kolombiano.