SIUDAT DI MEXICO, AP.- México ta rekonosé ku e instalashonnan aktual no ta adekuá pa enfrentá e fluho di migrantenan ku ta yega e pais i p’esei e gobièrnu ta konsiderando pa kontribuí refugionan kaminda e migrantenan no ta restringí.
E fluho kresiente di migrantenan durante último lunanan tabata abrumador pa México. Mayoria di e migrantenan aki a yega huntu ku e karavana di migrantenan sentroamerikano.
E gobièrnu di Andres Manuel Lope Obrador ta sostené ku e startegia prinsipal pa kontrolá migrashon ta desaroyo den e paisnan di orígen. Sinembargo, e detenshonnan a oumentá i e kantidat di deportashonnan a oumentá ku 150%.
“E gobièrnu a komentá vários biaha ku ta buskando alternativa pero ainda e stashonnan di migrante ta yen, operashonnan masivo ta sigui tuma lugá, famianan ta wòrdu separá i asta un menor a pèrdè su bida”. Un mucha muhé guatemalteko di 10 aña a muri siman pasa despues ku el a kai for di su kama den e refugio na Siudat di México i kual su morto ta wòrdu investigá.
E gobièrnu a ninga ku ta separando famianan, pero a rekonosé ku e situashon ta saliendo for di man.