SAN FRANCISCO, AP.- Microsoft a presentá su vershon popular di pakete di programa Office diseñá spesífikamente a kòmpiuternan tableta.
E Office nobo ku ta inkluí prosesadó di palabra, kalkulashon di palabra i e-mail, lo respondé na komandonan hasi despues ku bo mishi ku e pantaya.
E adishon di kontròlnan taktil lo pèrmití e ampliashon di Office riba merkado di kòmpiuternan tableta. Ounke Apple ta dominá e merkado di tableta ku su iPad riba e merkado di Tableta, Microsoft tin intenshon di kompetí ku su propio aparato yama Surface.
Microsoft a bisa ku e Office nobo a keda desaroyá komo servisio, kual ta nifiká ku e diseño ta funshoná riba diferente aparato konektá riba Internèt.
E programanan por warda dokumentonan di Internèt via e servisio di SkyDrive di Microsoft i lo tin memoria di konfigurashon.
Esaki ta e lansamentu mas ambisioso ku nos a hasi ku Office”, asina e direktor general di Microsoft Steve Ballmer a bisa durante e presentashon di e vershon nobo di Office na San Francisco.
Microsoft no a menshoná fecha i tampoko preis di e komersialisashon di e programa, detayenan aki lo wòrdu anunsiá na final di aña.
