TECUN UMAN, GUATEMALA, AP.- Integrantenan di un grupo di por lo ménos 3.000 migrante a plania pa avansá e último meternan rumbo pa frontera entre Guatemala i Mexico.
E migrantenan, den su mayoria di Honduras, a disidí djabièrnè ku nan ta reuní i kana huntu rumbo pa e krusada, miéntras outoridat di ámbos pais a reforsá e aksesonan ku agentenan federal.
“Nos ta hondureño, nos no ta trafikante, nos ta inmigrante”, asina vários a grita miéntras nan tabata avansá e frontera.
E migrantenan ta purba drenta Mexico i avansá pa yega Merka, kual a kousa preokupashon di presidente Donald Trump. E presidente a pidi e paisnan di Amérika sentral i outoridat mehikano pa hasi tur kos posibel pa para nan.
Ounke e karavana ainda tabata riba teritorio guatemalteko, kansier mehikano a anunsiá djaweps den un komunikado ku ya a kuminsá duna atenshon na esnan ku a krusa frontera.
E gobièrnu mehikano a bisa ku e migrantenan lo wòrdu atendé konforme lei i ku rèspèt pa nan derechinan humano. Esnan ku tin visa òf pasport por drenta i esnan ku presentá un solisitut di refugio lo wòrdu atendé. Esnan ku kibra lei lo wòrdu deportá.
