MINSK, BELARUS, AFP.- Mas o ménos 5.000 persona a partisipá den entiero di un aktivista di oposishon di 31 aña, kende a muri den un hospital siman pasá despues di a keda detené pa polis.
Mayoria a kongregá dilanti un iglesia den suburbio di Minsk, kaminda mayoria a pone flor kòrá i blanku pa pone den e santana na nort di e kapital kaminda a dera Roma Bondarenko.
E eks sòldat aki a keda detené pa polis na Minsk despues di un konfrontashon ku habitante i hòmbernan armá ku tabata tira sinta kòrá i blanku riba patio di un edifisio.
Despues di sufri leshonnan serebral, el a muri siguiente dia den hospital ku sospecho fuerte ku e agentenan a gòlpi’é.
Oposishon di Belarus tin mas di tres luna eksihiendo retiro di e presidente Alexander Lukashenko, reeligí pa un di seis mandato den ougùstùs apesar di e akusashonnan di froude masivo. E manifestashonnan semanal di djadumingu a akohé 100.000 persona na Minsk, un rèkòrt den historia di e pais.
Sinembargo, e mobilisashon a baha den último simannan.
