WASHINGTON ( AP).- Apesar di e kantidat di alertanan, desena di míles di usuario na Merka lo pèrdè nan servisio di Internet djaluna a ménos ku nan revisá rápidamente nan kòmpiuternan en buska di vírus ku por tuma kòntròl di nan aparatonan mas di un aña pasá. Facebook i Google a emití e atvertensianan riba e problema di Internet. E proveedornan di servisio di Internet a manda avisonan, i FBI a habri un wèpsait speshal.
Segun FBI, e kantidat di kòmpiuternan probablemente infektá ta superá 277.000 den diferente parti di mundu, ounke na aprel a konta 360.000. Di esnan ku ainda ta infektá, FBI ta kere ku mas o ménos 64.000 ta na Merka.
Outor idat Kanade s di Registro di Internet a informá ku mas o ménos 25.000 di e kòmpiuternan inisialmente afektá tabata na Canada, pero ku ta keda solamente 7.000 infektá ei, segun e bosero Mark Buell.
E usuarionan kendenan nan kòmpiuternan ta infektá lo pèrdè e kapasidat di konektá ku Internet djaluna, i nan lo mester yama nan proveedornan pa nan yuda nan desinfektá nan kòmpiuternan i bolbe haña konekshon.
E problema a kuminsá ora ciberintrusonan internashonal a pone un propaganda engañoso riba Internet pa tuma kòntròl di mas di 570.000 kòmpiuter infektá na mundu. Ora FBI a bai en buska di e delinkuentenan na kabamentu di aña pasá, e agentenan a atvertí ku si nan a paga nan servernan malisioso usá pa kontrolá e kòmpiuternan, tur e víktimanan lo a pèrdè nan servisio di Internet.
Den un medida inusual, FBI a kontratá un empresa privá pa instalá dos server di Internet pa sustituí e malisiosonan pa asina e usuarionan no a pèrdè nan konekshonnan mesora. Pero e sistema temporal ku nan a establesé lo sera 12.01 a..m. djaluna 9 di yüli.
Mayoria di e víktimanan no sa ku nan kòmpiuternan a resultá infektá, ounke e vírus probablemente a hasi nan search riba Internet mas pokopokoiadesaktivánan antivírus, loke ta hasi nan aparatonan mas vulnerabel.
Segun Tom Grasso, agente speshal di FBI, hopi proveedor di Internet ta prepará pa e problema i nan tin plannan pa yuda nan klientenan. Algun, manera Comcast, ya a informá riba e situashon. E kompania a manda mensahenan i a inkluí informashonnan riba nan wèpsait.
Ademas di kòmpiuternan di usuarionan individual, mas o ménos 50 empresa inkluí riba e lista di e 500 prinsipal kompanianan di e revista Fortuna ainda ta infektá, asina Grasso a agregá.
Pa komprobá si un kòmpiuter ta infektá, e usuarionan por bishitá e wèpsait di e grupo ku FBI a kontratá: http://www.dcwg.org. Riba Internet: Pa revisá i limpia kòmpiuternan: http://www.dcwg.org
Atvertensia di Comcast: http://forums.comcast.com/ t5/security-and-Anti-Virus/ DNS-Changer-Bot-FAQ/tdp/ 1215341
Google: http:// googleonlinesecurity. blogspot.com/2012/05/ notifying-userts-affektedby dnschanger.html
Facebook: http:// www.facebook.com/ notes/facebook-security/ notifying-dnschanger-
