LE BOURGET, FRANSIA (AP).- Erornan di parti di e pilotnan mal entrená i ekiponan ku a faya ku a duna lekturanan robes di e velosidat i otro indikadónan, a keda kombiná den e kaida di un avion di Air France den Atlántiko na 2009, loke a kousa morto di su 229 okupantenan, asina outoridatnan lokal a bisa ayera.
E avion, ku tabata hasi un buelo anochi di Río de Janeiro pa Paris, a kai den laman durante mal tempu ku werlegt. E tabata e pió aksidente den historia di Air France.
E agens ia f rans e s di investigashon di aksidentenan aéreo (BEA, na franses), a bisa den su informe final riba e kaida ku tabatin un kombinashon di ‘faktornan humano i tékniko’ tras di e katástrofe.
E informe ta bisa ku un di e ko- pilotnan a tuma un desishon fatal: durante un pèrdida di moveshon i preshon den airu, el a hisa e nanishi di e Airbus A330 na lugá di dirigié direkshon abou, manera mester tabata, debí par t ikularment e na e datonan falsu di e sensornan riba e posishon di e avion.
E hefe di investigashon Alain Bouillard a bisa ku e dos pilotnan na kargo nunka a ripará ku e avion tabata pasa den un pèrdida di moveshon. El a bisa ku solamente un tripulashon ku hopi eksperensia, ku un komprenshon kla di e situashon, lo por a stabilisá e avion den e kondishonnan ei.
“Den e kaso aki, e tripulashon tabata den un situashon di un pèrdida kasi total di e kòntròl,” asina el a agregá.
BEA a bisa ku, a base di e investigashon di e aksidente di e Buelo 447, ku a dura tres aña, a hasi hopi rekomendashon di seguridat, entre nan un mihó entrenamentu di e pilotnan, normanan mas estrikto di sertifikashon di avionnan.
