BANGKOK, TAILANDIA, AFP.- Míles di turista ruso a keda pegá na Tailandia, ku hopi komplikashon pa regresá nan pais pa motibu di e sanshonnan internashonal adoptá kontra Rusia pa e invashon den Ukrania, segun indikashon di outoridatnan tailandes.
E invashon ruso di Ukrania, riba 24 di febrüari a sòru pa un arsenal di medida internashonal kontra empresanan i bankonan, kual a pone vários aerolínea kanselá nan buelonan i a pidi empresanan mundial di pago pa suspendé nan servisio den e paisnan aki.
Mayoria turista ku a regresá kostanan di Tailandia desde ku e pais a suavisá restrikshonnan vinkulá ku covid-19 tabata ruso.
Un total di 3.100 ruso ta pegá na Phuket, miéntras ku tin algu mas ku 2.000 na Samuy. Tin turistanan ruso na Krabi, Phang Nga i Bangkok tambe, segun indikashon di Chattan Kunjara Na Ayudhya, esun responsabel pa atministrashon di turismo na Tailandia.
