IRPIN, UKRANIA, AFP.- A tira un periodista merikano mata, un un otro a resultá heridá na Irpin, na nortwèst di Kiev, kaminda forsanan ukraniano ta kombatí trupanan ruso.
E víktima a Brent Renaud, un fotógrafo i realisadó independiente di dokumental di New York, di 50 aña i ku a kombertí den e promé profeshonal di komunikashon estranhero ku a muri desde e invashon ruso den Ukrania, riba 24 di febrüari.
Un periodista di e kadena públiko di Ukrania a muri 1e di mart durante un bombardeo di Rusia na Kiev.
E dos merikanonan a haña bala na momentu ku nan tabata trafiká den un outo huntu ku un ukraniano, kual tambe a wòrdu heridá, segun indikashon di Danylo Shapovalov, un dòkter di defensa teritorial di Ukrania ku a trata e víktimanan.
Renaud a haña bala den kabes patras i a muri instantáneamente”, segun indikashon di Shapovalov.
