MOSCOW, RUSIA, AFP.- Polis ruso a detené mas di 800 persona pa protestá kontra Moscow su “operashon militar” den Ukrania djadumingu, segun e konflikto ta kontinuando pa e di terser siman.
OVD-Info, kual ta monitòr arestonan durante protestanan a bisa ku polis a detené 817 persona durante manifestashonnan den 37 siudat na Rusia.
Un periodista di AFP ku a reportá algun protesta den kapital di Moscow a mira desénas di aresto i a bisa ku polis tabata bai ku tur hende sin papel di prensa.
Funshonarionan na Moscow a bisa djadumingu anochi ku a detené alrededor di 300 persona den sentro di e kapital. Polis a sera vários avenida ku trùknan di polis kantu di kaminda.
Segun AFP, a detené vários periodista tambe. Siman pasá polis a arestá mas di 5.000 manifestante na Rusia.
OVD-Info a bisa ku a detené 14.804 hende den e pais ku a protesta kontra Rusia su invashon militar na Ukrania, lansá riba 24 di febrüari.
