PARADISE, CALIFORNIA, MERKA, AP.- Un kandela ku a propagá rápido, a kuadripliká den tamaño djabièrnè, destruyendo míles di struktura i destrosando un pueblo di kaso 30.000 habitante na nort di California, segun indikashon di outoridat.
Un dia despues ku e kandela a kuminsá den pueblo di Paradise, ya el a ekstendé kasi 285 kilometer kuadrat.
“En realidat, nos no a purba paga e kandela”, asina kapitan Scott McLean di departamento di Bombero na California a splika. Esaki ta debí ku e persona mester a resigná i yuda e habitantenan pa evakuá. “E bomberonan a ehersé tareanan di evakuashon i reskate”.
E pueblo kompletu a haña òrdu pa evakuá, provokando un salida grandi kaminda mayoria shofùr a keda pega den tráfiko i bandoná nan outo pa hui na pia. E pueblo di Paradise a bisa ku gran parti di e komunidat a kima, inkluyendo kas, supermerkado, negoshi, restorant, skolnan i un asilo.
E kandela enorme a ekstendé den nort i funshonarionan a ordená pa evakuá e habitantenan di e komunidatnan Stroling City i Inskip, na nort di Paradise.
“Praktikamente e komunidat kompleto di Paradise a keda destruí. Esaki ta un espesie di destrukshon”, asina el a agregá.
