HARARE, AP.- Emmerson Mnangagwa a regresá Zimbabwe djárason, ku kaminda pa asumí presidensia despues di e fin di e régimen di Robert Mugabe, i a sigurá ku e pais “ta rumbo pa un demokrasia nobo”.
“Mi ta hasi un yamada na e pueblo di Zimbabwe pa uni”, segun Mnangagwa. “Nos tur ta zimbabwense, nos mester di pas den nos pais i trabou”.
E palabranan aki por a wòrdu skucha pa un grupo di siguidó dilanti e sede di e partido gobernante Zanu-PF.
E krísis ekonómiko a yuda ku e kaida di Mugabe, kende a goberná durante 37aña pero a bandoná kargo abruptamente meimei di un proseso pa kit’é di su puesto komo presidente.
Mnangagwa a bisa ku e tabata den kontakto konstante ku lidernan militar durante dos siman entre su retiro i su regreso pa e pais komo un lider nobo.
El a elogiá ehérsito i komandante Constantino Chiwenga “kende tabata kapas di mantené e proseso aki pasífiko”.
Despues di papia ku su kasa Auxilia na su banda, Mnangagwa tabata rondoná pa dos sirkulo di agente di seguridat, kende ta parse di tabata den alerta kontra kualkier menasa.
