PARIS, FRANSIA, AFP.- Míles di muhé a manifestá djadumingu den siudatnan prinsipal den Fransia pa defendé nan derechi, un dia promé ku Dia Internashonal di Hende Muhé.
Mas o ménos 300 persona a reuní riba plasa di Repúblika segun indikashon di un di e organisadónan di e manifestashon.
E aña aki “ta organisá e manifestashon pa protestá kontra e konsekuensianan sosial i ekonómiko grave ku ta afektá e hende muhé den e pandemia aki”.
E mobilisashon a konta ku 3.000 manifestante na Lyon i 1.200 den Montpellier, sentenáres den Marseille i Toulouse i otro siudatnan importante.
E manifestantenan a ekspresá nan determinashon pa sigui lucha pa nan derechinan.