LA PAZ, AP.- Kultivonan di koka a oumentá na Bolivia ku 14% den 2016, despues di sinku aña di redukshon kontinuo di e sembramentunan. Asina un agensia di Nashon Uni a bisa djárason.
“E oumento aki ta un faktor di preokupashon pa nos”, asina Antonio De Leo, representante di e nashon andino a bisa na Ofisina di Nashon Uni kontra Droga i Delito (UNODC).
De Levo a dibulgá e resultadonan di e informe anual di kultivo di koka den ousensia di presidente Evo Morales, kende ta biahando den Nicaragua.
Segun e dokumento, kultivonan di koka a pasa di 20.200 hèktar aña pasa pa 23.100 hèktar den 2016, loke segun eksperto di Nashon Uni a generá un kambio di tendensia den sinku aña.
E dokumento a detayá ku e oumento aki ta representá un produkshon di koka di 38.000 tonelada na Bolivia. Esaki ta 17% mas ku loke a wòrdu registrá na aña 2015.
E informe ta dibulgá kuater luna despues ku gobièrnu di Morales a prolongá un lei riba koka, ku ta faboresé oumento di produkshon na 22.000 hèktar legal pa konsumo legal i kurativo.
