LUXEMBURG, AP.- E paisnan miembro di Union Europeo a ekspresá nan indignashon pa e ofensivo militar di Turkia na nort di Siria kontra kurdonan. E paisnan a uni Fransia i Alemania, den un petishon pa prohibí benta di arma na Ankara, un akshon inusual kontra un aliado di NATO.
Mayoria minister di Eksterior di UE ta buskando un deklarashon kontundente pa kondena e operashon militar kual a destabilisa e region kompleto i ta buskando medida kontra e atakenan.
Aparte di esaki, nan a prepará pa apliká sanshon kontra kompanianan i individualnan turko involukrá den perforashon di gas den Laman Mediteráneo serka di Chipre, kual ta miembro di e bloke. Turkia ta birando kada biaha ménos dependiente di nashonnan europeo pa kubri e pais su nesesidatnan relashoná ku defensa. E ministernan no a aklará kiko por spera for di e medidanan apliká, òf ki impakto esakinan lo tin.
E relashon entre e bloke i Turkia bou di mando di presidente turko Recep Tayyip Erdogan a empeorá durante e último añanan ku a pasa, spesialmente despues ku e mandatario a vinkulá algun akshon aleman ku práktikanan nazi.
