ROMA, ITALIA, AFP.- Programa di Kuminda Mundial di Nashonnan Uni (WFP) a bisa djárason ku ta usando Uber pa entregá ayudo na hendenan den áreanan urbano afektá pa e guera den Ukrania.
Den áreanan kaminda trùknan grandi no por pasa, WFP a bisa ku ta usa e plataforma di Uber pa koordiná entrega i kontrolá un flota di vehíkulonan chikitu.
Den un komunikado, WFP a bisa ku ya a distribuí kuminda na Dnipro, i ku aktualmente ta entregando den kapital di Kiev, Lviv, Vinnytsia i Chernivtsi.
“Atraves di e plataforma aki, WFP por entrega kuminsá na esnan ku mester di yudansa, hasi entreganan di vários grandura di vehíkulo, vigilá tur biahe na su destinashon, i konfirmá ku e entreganan a wòrdu hasí”, asina e komunikado a añadí
Den un informe, e hefe ehekutivo di Uber Dara Khosrowshahi a bisa ku e kompania ta proveyendo akseso grátis na su plataforma.
E invashon di Rusia na Ukrania fin di febrüari a kousa un konflikto brutal lagando míles di morto i miónes di persona desplasá.
